Superliga-2021 bahslari ham o‘z nihoyasiga yetib bormoqda. O‘tgan mavsumlarga qaraganda joriy mavsum ancha shiddatli bahsalrga boy bo‘ldi. Chempionlikdan tashqari qolgan sovrinli o‘rinlar so‘ngi turda aniqlanadigan bo‘ldi.

«Ajdarlar» Superliganing so‘ngi turida Toshkentning grand jamolaridan biri «Lokomotiv»ni qabul qiladi. Barcha muxlislarni 27 noyabr kuni soat 15:00 da bo‘lib o‘tadigan baxsga chorlab qolamiz.

Quyida jamolarning o‘zaro uchrashuvlari haqida statistik ma’lumotlar bilan o‘rtoqlashamiz:

Ushbu jamoalar O‘zbekiston chempionatida shu kungacha 33 bor kuch sinashishgan. Ustunlik «ajdarlar» tomonida. Bo‘lib o‘tgan 15 uchrashuvda vakillarimiz, 12 o‘yinda esa «temiryo‘lchilar» zafar quchishgan. 6 uchrashuvda esa durang natija qayd etilgan. To‘plar nisbati 44:35 ga teng.

O‘zaro uchrashuvlarda qayd etilgan eng yuqori hisoblar bir xil ko‘rinishda: «Nasaf» – «Lokomotiv» 5:1, «Lokomotiv» – «Nasaf» 5:2.

Jamoalar so‘nggi o‘zaro uchrashuvni 2021 yili 30 iyul kuni Toshkentda o‘tkazgan. Bu uchrashuvda «temiryo‘lchilar» 2:0 hisobida zafar quchishgan.

E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:

30.07.2021 Lokomotiv — Nasaf 2:0
03.12.2020 Nasaf — Lokomotiv 0:0
27.08.2020 Lokomotiv — Nasaf 0:4
17.08.2019 Lokomotiv — Nasaf 1:0
26.05.2019 Nasaf — Lokomotiv 0:1