«France Football» bosh muharriri Paskal Ferre zamonamiz yulduzlari Krishtianu Ronaldu va Lionel Messi o‘rtasidagi raqobat borasida to‘xtalib o‘tdi.

«Ehtimol, Messi va Ronaldu o‘rtasidagi raqobat shundan iboratki, ular kim ko‘proq «Oltin to‘p» qo‘lga kiritishi uchun kurashayotgandek. Ronalduning yagona maqsadi — Messiga nisbatan ko‘proq "Oltin to‘p"ni qo‘lga kiritgan holda nafaqaga yo‘l olish. Uning o‘zi bu haqda aytgan.

Lionel va Krishtianuning statistikasiga qarasangiz, ular sentyabr va oktyabrda hamisha ko‘p gol urganiga guvoh bo‘lasiz. Aynan shu paytda so‘rovnoma o‘tkazilayotgan bo‘ladi. Bu tasodif emas», - dedi Ferre "The New York Times"ga bergan intervyusida.

Ma’lumot o‘rnida. Messi hisobida 6ta «Oltin to‘p» bo‘lsa, portugaliyalik futbolchi hisobida ushbu sovrindan 5tasi mavjud.