Livan poytaxti Bayrut shahri mezbonligida o‘tayotgan dzyudo bo‘yicha o‘smirlar va yoshlar o‘rtasidagi Osiyo-Okeaniya chempionatining birinchi kuni o‘z yakuniga yetdi.
Bugun o‘smirlar o‘rtasida jami 8 ta vazn toifasida g‘olib va sovrindorlar nomi ma’lum bo‘ldi. Quvonarlisi, dzyudochilarimiz 8 ta vaznda 9 ta medal qo‘lga kiritishdi. Shulardan 5 tasi oltin, 3 tasi kumush, 1 tasi esa bronza medalidir.
O‘z vazn toifalarida Suhrob Po‘latov (-60 kg), Elbek Tojiyev (-66 kg), Laziza Haydarova (-40 kg), Ulbusin Hakimova (-44 kg) va Muhayyo Ahmatova (-48 kg) Osiyo chempioniga aylanishdi.
Zamohshari Bekmurodov (-55 kg), Sardor Himmatov (-60 kg), So‘g‘diyona Rafkatova (-52 kg) kumush, Fazliddin Shokirov (-50 kg) esa bronza medaliga sazovor bo‘ldi.
