Toshkentda og‘ir atletika bo‘yicha kattalar o‘rtasidagi jahon chempionati davom etmoqda. Bugun navoiylik yosh sportchimiz Sarvarbek Zafarjonov -89 kg vazn toifasida medallar uchun kurash olib bordi.

Hamyurtimiz dast ko‘tarish mashqini 166 kg bilan to‘rtinchi o‘rinda yakunladi. Siltab ko‘tarish dasturida 205 kg va ikki kurash bo‘yicha 371 kg natija bilan kumush medallarni qo‘lga kiritmoqda.

Qayd etish joiz, siltab ko‘tarishda hamyurtimiz Artyom Okulov bilan bir xil natija qayd etdi, ammo rossiyalik sportchi ushbu toshni birinchi bo‘lib ko‘targani uchun kichik oltin medalni qo‘lga kiritdi.

Xuddi shunday holat ikki kurashda ham kuzatildi. Boisi, 371 kg natijani birinchi bo‘lib qayd etgan koreyalik Dongju Yu oltin medalni “ilib ketdi”.

Og‘ir atletika bo‘yicha JCH,
Erkaklar, -89 kg:

Dast ko‘tarish:
1. Andranik Karapetyan (Armaniston) — 175 kg.
2. Revaz Davitadze (Gruziya) — 171 kg.
3. Yu Dongju (Janubiy Koreya) – 167 kg.
4. Sarvarbek Zafarjonov (O‘zbekiston) – 166 kg.

Siltab ko‘tarish:
1. Artyom Okulov (Rossiya) — 205 kg.
2. Sarvarbek Zafarjonov (O‘zbekiston) – 205 kg.
3. Yu Dongju (Janubiy Koreya) – 204 kg.

Ikki kurash:
1. Yu Dongju (Janubiy Koreya) – 371 (167+204) kg
2. Sarvarbek Zafarjonov (O‘zbekiston) – 371 (166+205) kg
3. Revaz Davitadze (Gruziya) – 370 (171+199) kg.