"Arsenal" hujumchisi Pyer-Emerik Obameyang qishda jamoani tark etib, "Barselona"ga o‘tishi mumkin.

Ma’lumotlarga ko‘ra, Obameyang klub bilan munosabatlari yomonligi sababli "Arsenal"ni tark etishi mumkin. Qayd etilishicha, "Barselona" futbolchini minimal summaga sotib olishni niyat qilgan.

14 dekabr kuni Obameyang tartib-intizomni buzgani uchun "kanonirlar" safida sardorlik maqomidan mahrum qilingani ma’lum bo‘lgandi.

Joriy mavsumda 32 yoshli gabonlik futbolchi jamoasi safida barcha turnirlarda 15 ta o‘yin o‘tkazib, 7 ta gol urdi va 2 ta golli uzatmani amalga oshirdi. Uning londonliklar bilan amaldagi shartnomasi 2023 yilgacha mo‘ljallangan.