"Арсенал" ҳужумчиси Пьер-Эмерик Обамеянг қишда жамоани тарк этиб, "Барселона"га ўтиши мумкин.
Маълумотларга кўра, Обамеянг клуб билан муносабатлари ёмонлиги сабабли "Арсенал"ни тарк этиши мумкин. Қайд этилишича, "Барселона" футболчини минимал суммага сотиб олишни ният қилган.
14 декабрь куни Обамеянг тартиб-интизомни бузгани учун "канонирлар" сафида сардорлик мақомидан маҳрум қилингани маълум бўлганди.
Жорий мавсумда 32 ёшли габонлик футболчи жамоаси сафида барча турнирларда 15 та ўйин ўтказиб, 7 та гол урди ва 2 та голли узатмани амалга оширди. Унинг лондонликлар билан амалдаги шартномаси 2023 йилгача мўлжалланган.
