Londonning “Arsenal” klubi hujumchi Pyer-Emerik Obameyangni asosiy jamoa bilan mashg‘ulot o‘tkazish imkoniyatidan mahrum qildi.
"The Telegraph" nashri ma’lum qilishicha, gabonlik forvard endi individual tarzda shug‘ullanmoqda. Qayd etilishicha, ushbu taqiq hujumchi uchun kamida 9 yanvargacha davom etadi.
"Avvalroq, "kanonirlar" bosh murabbiyi Mikel Arteta Obameyangnt Premer-liganing 17-turidan o‘rin olgan "Lids"ga qarshi o‘yinda ishtirok etmasligini tasdiqlagan edi.
Hujumchi joriy mavsumda "Arsenal" safida barcha turnirlar doirasida 15 ta o‘yinda maydonga tushib, 7 ta gol urdi va 2 ta golli uzatmani amalga oshirdi.
