Kataloniyaning “Barselona” klubi qishki transfer oynasida sotiladigan futbolchilarning yakuniy ro‘yxatini tuzdi. “Sport.es” sayti xabariga ko‘ra, “ko‘k-anorranglilar” birdaniga sakkiz nafar futbolchidan qutulishga tayyor.
Jamoa rahbariyati va murabbiylar shtabi endi Serxinyo Dest, Samuel Umtiti, Kleman Lengle, Oskar Mingesa, Inyaki Pena, Filippe Koutinyo, Lyuk de Yong va Neto kabi futbolchilarni sotishga qaror qilishgan.
Kataloniya klubi joriy mavsumda yuqoriroq o‘rinlarni egallash uchun o‘z tarkibini jiddiy ravishda yangilamoqchi. Jamoa Chempionlar ligasida allaqachon muvaffaqiyatsizlikka uchragan, guruh bosqichida turnirdan chiqib ketgan. La Ligaga kelsak, Xavi Ernandes 18-turdan keyin bor-yo‘g‘i 7-o‘rinni egallab turibdi. “Barsa” “Real”dan 18 ochko ortda qolmoqda.
