“Arsenal” hujumchisi Pyer-Emerik Obameyang London klubini tark etishi mumkin. Qolaversa, futbolchining transferi kelayotgan yilning yanvariga mo‘ljallangan. Britaniya matbuoti xabariga ko‘ra, hujumchi xizmatlariga Italiyaning uchta klubi qiziqish bildirmoqda.
“Yuventus”, “Inter” va “Milan” gabonlik forvardni ijaraga olishga tayyor. Obameyangning “Arsenal” bilan shartnomasi 2023 yilning iyunida yakuniga yetadi.
Avvalroq, “kanonirlar” Pyer-Emerikning o‘rniga “Inter” futbolchisi Lautaro Martinesni o‘rinbosar sifatida ko‘rayotgani haqida xabar berilgandi.