“Арсенал” ҳужумчиси Пьер-Эмерик Обамеянг Лондон клубини тарк этиши мумкин. Қолаверса, футболчининг трансфери келаётган йилнинг январига мўлжалланган. Британия матбуоти хабарига кўра, ҳужумчи хизматларига Италиянинг учта клуби қизиқиш билдирмоқда. 

“Ювентус”, “Интер” ва “Милан” габонлик форвардни ижарага олишга тайёр. Обамеянгнинг “Арсенал” билан шартномаси 2023 йилнинг июнида якунига етади.

Аввалроқ, “канонирлар” Пьер-Эмерикнинг ўрнига “Интер” футболчиси Лаутаро Мартинесни ўринбосар сифатида кўраётгани ҳақида хабар берилганди.