“Gerta” hujumchisi Kshishtof Pentek “Fiorentina” futbolchisiga aylanadi, deya xabar beradi italiyalik jurnalist Janluka Di Marsio.
Manbaga ko‘ra, transfer bo‘yicha to‘liq kelishuvga erishilgan. Shaxsiy shartnoma shartlari ham kelishib olingan. Transfer 15 million yevro evaziga sotib olish sharti bilan bepul ijarani ichiga oladi.
Ma’lumotlarga ko‘ra, futbolchiga avvalroq uning sobiq jamoasi "Jenoa" qiziqish bildirgandi.
26 yoshli polyak joriy mavsumda “Gerta” safida 10 ta o‘yin o‘tkazdi. Unda bitta gol va bitta muvaffaqiyatli uzatma bor.
