“So‘g‘diyona”. Yig‘in 5 yanvardan o‘z bazasida boshladi. Dastlabki yig‘inlar 5-18 yanvarda, ikkinchisi esa 21.01 – 05.02 oralig‘ida. Qolgan rejalar OFKning 5 fevral kuni Osiyo chempionlar ligasi masalasi bo‘yicha yig‘ilishidan so‘ng belgilanadi. Jamoaning legionerlari ikkinchi bosqich yig‘iniga yetib kelishadi.

“Bunyodkor”. Yig‘in 7 yanvardan start oladi va bir necha bosqichlarda davom ettiriladi. Klub ayollar futbolini rivojlantirish bo‘yicha xorijiy kompaniyalar bilan muzokaralarga kirishgan.

“Sevinch”. Yig‘in 10 yanvardan jamoa qarorgohi “Geolog” sport majmuasida boshlanadi. Bugun klub murabbiylari va ishchi-xodimlari ishtirokida yig‘ilish bo‘lib o‘tdi. Unga ko‘ra, jamoa bosh murabbiyi Bahrom Norsafarov o‘z arizasiga ko‘ra ishdan ketdi, uning o‘rniga sobiq bosh murabbiy Vladislav Xan ish boshladi.

“Metallurg”. 2021 yilning 20 dekabridan joriy yilning 3 yanvariga qadar mashg‘ulotlar onlayn tarzda olib borildi. Yig‘in esa 25 yanvardan boshlanishi va bir necha bosqichda davom etishi rejalashtirilgan.

AGMK. Asosan mahalliy qizlar ko‘rikdan o‘tgan birinchi yig‘in 15-28 dekabr sanalarida amalga oshirildi. Yangi yildagi tayyorgarlik ishlari uch bosqichga rejalashtirilgan: 06.01 – 20.01, 24.01 – 08.02, 12.02 – 26.03.

“Navbahor”. Yangi mavsumga tayyorgarlik ishlari 5 fevraldan boshlanishi rejalashtirilmoqda.

“Paxtakor”. Yig‘inning dastlabkisi 10 yanvardan 31 yanvargacha belgilangan.

“Lokomotiv”. 10 yanvardan 30 yanvargacha tashkil etiladigan yig‘inda ko‘rikdan o‘tgan va tanlab olingan 18 nafar futbolchi qizlar bilan kelgusida jiddiy tayyorgarlikka kirishiladi. Bu mavsumda asosiy e’tibor Toshkent shahar va viloyatidagi iqtidorli yoshlarga qaratilishi ko‘zda tutilmoqda.

“Qizilqum”. Hozircha yangi mavsum bo‘yicha aniq reja tuzilmadi.

“Neftchi”. Yig‘inni 15 yanvardan boshlash bo‘yicha rejalar bor, biroq hali klub rahbariyati tomonidan tasdiqlanmagan.