“Manchester Siti” kelasi yozda Dortmundning “Borussiya” klubi hujumchisi Erling Xoland uchun kurash olib boradi.
The Athletic xabariga ko‘ra, 21 yoshli hujumchi Manchester klubining asosiy maqsadi hisoblanadi. "Man Siti" yaqin haftalar yoki oylar ichida Xoland vakillari bilan uchrashuvlar o‘tkazishni rejalashtirmoqda.
"Real Madrid" Xoland uchun kurashda "Man Siti"ning asosiy raqibi sanaladi. Ko‘pgina manbalar "Barselona"ning bu klublar bilan raqobatlasha olmasligiga ishonchi komil.
Norvegiyalik futbolchiga "Bavariya", "Manchester Yunayted" va "PSJ" ham qiziqish bildirmoqda, ammo "Man Siti"ning pozisiyalari ancha foydali.
Agar "Man Siti" Xoland bilan shartnoma imzolay olmasa, ular boshqa nomzodlarga murojaat qilishadi. "Shaharliklar" ro‘yxatidan "Real Sosedad" hujumchisi Aleksandr Isak va "Fiorentina" hujumchisi Dushan Vlahovich bor.
"Shaharliklar" "Tottenxem" hujumchisi Xarri Keyn bilan variantga qaytishlari mumkin, ammo bu London klubi futbolchini munosib narxda qo‘yib yuborishga rozi bo‘lgan taqdirdagina mumkin. Bundan tashqari, "Man Siti" iyul oyida 29 yoshga to‘ladigan Keynning yoshini ham hisobga oladi.
