Marca nashri xabariga ko‘ra, PSJ hujumchisi Kilian Mbappe “Real”ning asosiy maqsadi bo‘lib qolmoqda. Shunga qaramay, klub Dortmundning “Borussiya” klubi hujumchisi Erling Xolandni sotib olish imkoniyatini ham ko‘rib chiqmoqda. “Qaymoqranglilar” lagerida ikkala futbolchi ham jamoaga to‘liq mos kelishiga ishonishadi.
“Real Madrid” rahbariyati Xolandning transfer agenti Mino Rayola bilan uchrashib, klubni Erling bilan bog‘liq har qanday o‘zgarishlardan xabardor qilib turishini so‘rashdi.
Eslatib o‘tamiz, Xolandning transferi uchun agent va futbolchining otasining komissiyasi, shuningdek, norvegiyalikning 6 yillik shartnoma bo‘yicha maoshi hisobga olinsa, taxminan 350 million yevro sarflanishi kerak bo‘ladi. Hujumchining “Borussiya” bilan shartnomasida tovon puli 75 million yevroni tashkil etadi.
