O‘zbekiston professional futbol ligasi 2022 yilgi musobaqalar o‘tkazish reglamenti tasdiqlanganini e’lon qildi.
Unga ko‘ra, 2022 yilda ham Pro ligada 10ta jamoa ishtirok etadi. Superligadan Pro ligaga «Mash’al», «Andijon», «Turon» qo‘shilgan bo‘lsa, qolgan 7 jamoadan 5tasi o‘tgan mavsum ham turnirda ishtirok etgan klublar bo‘ladi - «Buxoro», «Xorazm», «Yangiyer», «Sho‘rtan», «Orol». «Zomin» va «G‘ijduvon» esa Birinchi ligadan Pro ligaga ko‘tarilishdi.
Reglamentga ko‘ra, turnir formati o‘zgarishsiz qolgan. Birinchi bosqichda klublar uy-safar tizimida 18ta o‘yin o‘tkazishadi. Ikkinchi bosqichda klublar 2 guruhga ajratiladi. Yuqori beshlik Superliga yo‘llanmasi uchun, quyi beshlik Pro-Ligada qolish uchun kurashadi. Klublar uy-safar tizimida 8ta o‘yin o‘tkazadi.
Ma’lumot uchun, Pro-Ligada 1-2-o‘rinni egallagan jamoalar to‘g‘ridan-to‘g‘ri Superligaga chiqadi. 3-o‘rin sohibi esa Superligada 12-o‘rinni egallagan klubga qarshi o‘tish bahsida ishtirok etadi. 10-o‘rinni egallagan jamoa Birinchi Ligaga tushib ketadi. 9-o‘rinni egallagan jamoa Birinchi Ligada 2-o‘rinni egallagan jamoa bilan o‘tish o‘yinida ishtirok etadi.
