“Chelsi”ning sobiq futbolchisi Endi Taunsend “Manchester Yunayted”ning portugaliyalik hujumchisi Krishtianu Ronalduning “Brentford”ga qarshi o‘yindagi xatti-harakati haqida fikr bildirdi. Eslatib o‘tamiz, Ronaldu zahiraga olingach, jahl bilan kurtkasini maysazorga uloqtirgandi.
“Buni oddiy qabul qilib bo‘lmaydi. Rangnik o‘yindan keyin Ronaldu bilan vaziyatni muhokama qilishi kerak edi, lekin murabbiy bunday qilmadi. Bu MYUning boshqa futbolchilarida norozilik keltirib chiqarishi mumkin”, - deya Taunsenddan so‘zlarini keltiradi “Talksport”.
Joriy mavsumda Ronaldu APLda 17 ta o‘yinda maydonga tushib, 8 ta gol urdi va 3 ta golga assistentlik qildi.
