“Челси”нинг собиқ футболчиси Энди Таунсенд “Манчестер Юнайтед”нинг португалиялик ҳужумчиси Криштиану Роналдунинг “Брентфорд”га қарши ўйиндаги хатти-ҳаракати ҳақида фикр билдирди. Эслатиб ўтамиз, Роналду заҳирага олингач, жаҳл билан курткасини майсазорга улоқтирганди.

“Буни оддий қабул қилиб бўлмайди. Рангник ўйиндан кейин Роналду билан вазиятни муҳокама қилиши керак эди, лекин мураббий бундай қилмади. Бу МЮнинг бошқа футболчиларида норозилик келтириб чиқариши мумкин”, - дея Таунсенддан сўзларини келтиради “Talksport”.

Жорий мавсумда Роналду АПЛда 17 та ўйинда майдонга тушиб, 8 та гол урди ва 3 та голга ассистентлик қилди.