Ukrainalik mutaxassis Andrey Shevchenko Italiyaning «Jenoa» klubi bilan shartnomani bekor qilish borasida muzokaralar olib borayotganligi haqida Tribuna.com portali xabar tarqatmoqda.

Shevchenkoning haligacha genuyaliklar bilan shartnomasi mavjud, lekin u ishlashdan chetlatilgan.

Avvaliga Shevchenko Italiya klubi rahbariyatidan oylik maoshlarini to‘laligicha to‘lab berishlarini talab qilgan, lekin rad javobini olgan.

Agar Shevchenko «Jenoa» bilan shartnoma bo‘yicha to‘lanishi kerak bo‘lgan mablag‘ning kamida yarmini oladigan bo‘lsa, u holda Polsha terma jamoasida kamroq maosh olishga rozi bo‘ladi.

Shevchenko va uning yordamchilari shartnoma muddatdan avval bekor bo‘layotganligi sababli, "Jenoa"dan 20 million yevro miqdorida tovon puli olishlari haqida ma’lumotlar bor.