Kataloniyaning “Barselona” klubi sobiq prezidenti Xosep Bartomeu qamoqqa tushishi mumkin. Bu haqda ijtimoiy tarmoqlarda ma’lumotlar paydo bo‘ldi, xususan, taniqli ispan jurnalistlari bu haqda yozishmoqda.
Bartomeu "Barsa" boshqaruvida bo‘lganida amalga oshirgan yirik moliyaviy firibgarlikka aloqador bo‘lishi mumkin.
Xabaringiz bor, Bartomeu davrida "Barselona" katta qarzlar botqog‘iga botgandi. Joan Laportaning so‘zlariga ko‘ra, u va uning atrofidagilar hech qanday sababsiz nomutanosib to‘lov operasiyalarini aniqlagan va summalarni aniq oshirib ko‘rsatgan shartnomalar tuzgan. Laporta, shuningdek, prokuraturaga rad etib bo‘lmaydigan dalillarni taqdim etishga tayyor.
