UEFA prezidenti Aleksandr Cheferin Yevropa chempionlar ligasining formati 2025 yildan boshlab o‘zgarishini aytib o‘tdi.

Cheferin yangi formatni ishlab chiqishda Yevropaning turli klublari, jumladan, "PSJ" prezidenti Nosir al-Helayfiy bilan maslahatlashdi. Uning aytishicha, musobaqaning yakuniy qismi "to‘rtlar finali" shaklida o‘tkaziladi.

"Pandemiya tufayli ushbu loyihani hozircha yetarlicha muhokama qila olmadik. Turnir yanada raqobatbardosh va muxlislar uchun qiziqarli bo‘lishi kerak.

Buni bir nechta klub prezidentlari bilan muhokama qildik. Al-Helayfiy va boshqa boshqalar bunga rozilik berishdi. Yarim final o‘yinlari tufayli klublar yo‘qotadigan mablag‘ni kompensasiya qilish masalasini hal etishimiz lozim. Buning imkoniyati bor. Ushbu loyiha mavsum-2024/25dan avval amalga oshmaydi", — dedi Cheferin.

UEFA prezidenti, shuningdek, jahon chempionatining ikki yilda bir marta o‘tkazilishiga o‘z munosabatini bildirdi.

"Bunday bo‘lmaydi, bunga ishonchim komil. Bu safsata. Bu futbolni o‘ldiradigan loyiha. Bu futbol va olimpiya o‘yinlari prinsipiga zid loyiha. Mazkur futbol tashkiloti o‘yinchilarning taqvimini zichlashtirishdan tashqari yana nima taklif qilishi mumkin? O‘zi shundoq ham har yilda yozda bir oylik musobaqalar bor. Yevropa va Janubiy Amerika bu g‘oyaga qarshi chiqdik. Bizlarsiz esa bu jahon chempionati o‘tkazilmaydi".