Paulo Dibala juma kuni «Torino»ga qarshi derbida mushakidan jarohat oldi va ikkinchi bo‘lim boshida almashtirildi. Shanba kuni argentinalik mashg‘ulotni o‘tkazib yubordi va yakshanba kuni tibbiy ko‘rikdan o‘tdi, deya xabar beradi Italiya OAV.

Paulo Dibalaning jarohati jiddiyligi hozircha nomalum. Seshanba kuni Ispaniyaning «Vilyarreal» jamoasiga qarshi Chempionlar ligasi 1/8 final birinchi o‘yinida hujumchi «Yuventus»ga yordam bermasligi mumkin.

2021/2022 yilgi mavsumda Paulo Dibala «Yuventus» safida barcha musobaqalarda 27 ta o‘yinda maydonga tushdi. Hujumchi hisobida 12 ta gol va 6 ta golli uzatma bor.