Пауло Дибала жума куни «Торино»га қарши дербида мушакидан жароҳат олди ва иккинчи бўлим бошида алмаштирилди. Шанба куни аргентиналик машғулотни ўтказиб юборди ва якшанба куни тиббий кўрикдан ўтди, дея хабар беради Италия ОАВ.
Пауло Дибаланинг жароҳати жиддийлиги ҳозирча номалум. Сешанба куни Испаниянинг «Вильярреал» жамоасига қарши Чемпионлар лигаси 1/8 финал биринчи ўйинида ҳужумчи «Ювентус»га ёрдам бермаслиги мумкин.
2021/2022 йилги мавсумда Пауло Дибала «Ювентус» сафида барча мусобақаларда 27 та ўйинда майдонга тушди. Ҳужумчи ҳисобида 12 та гол ва 6 та голли узатма бор.
