Moskva davlat xalqaro munosabatlar instituti (MGIMO) huquqshunosi, yuridik fanlar nomzodi, dosent Nikolay Topornin, Rossiya hukumati Lugansk xalq respublikasi va Donesk xalq respublikasining mustaqilligini tan olgach, rus klublarining yevrokuboklardan chetlatilishi ehtimolini baholadi.

«Klublar yevrokuboklardan chetlatilishi mumkinmi? Yo‘q, bunday bo‘lmasa kerak. Axir klublar tijoriy tashkilot, ular urushda qatnashmayapti. Rossiya klublari yevrokuboklardan chetlatilmaydi, bu aniq. Har holda UEFA — siyosiy emas, sport tashkiloti. Eng ko‘pi bilan Rossiya jamoalariga neytral maydonda o‘ynash majburiyati yuklanishi mumkin. Albatta, agar Berlin, Parij, London, Bryussel va boshqa mamlakatlardan bosim uyushtiriladigan bo‘lsa, UEFA ularning ta’siriga tushishi mumkin. Har holda Yevropa futbolida eng ko‘p daromadni Rossiya emas, yetakchi mamlakatlar keltiradi. Bundan tashqari, xorij klublari Rossiyaga nisbatan boykot e’lon qilishi mumkin. Bunday holatda UEFA jiddiy qarorlar qabul qiladi. Bu haqda oldindan o‘ylab qo‘yish kerak. Hozir vaziyat qay tomonga o‘zgarayotganini ko‘rib turibmizku.

Hozircha LXR va DXRni tan oldik, hech kim Ukrainaga hujum qilmadi. Vaziyatning rivojlanishini ko‘rish kerak. Agar Ukrainaga urush ochilsa, unda tahdidlar yuzaga keladi. Sanksiyalar ham ancha keng qamrovli bo‘ladi. Jang bo‘layotgan vaziyatda hech kim xalqaro musobaqa haqida o‘ylamaydi. UEFA Rossiyaga nisbatan taqiq qo‘llamasligi muhim ahamiyatga ega. Shunchaki jang olib borayotgan hech kim kelishni istamaydi. Barcha Rossiyadagi o‘yinlardan voz kechadi. Klublarimiz neytral hududda stadion qidirishga majbur bo‘lishadi», — dedi Topornin Sport24 muxbiri bilan suhbatda.