Rossiyaning futbol bo‘yicha barcha terma jamoalari xalqaro musobaqalardan chetlatilgani haqida xabar bergan edik. Ular ichida ayollar o‘rtasidagi Yevropa chempionati ham bor.
Qayd etilishicha, Rossiya termasini ushbu musobaqadan chiqarib yuborilgani, turnirga yangi a’zo qo‘shishni talab etadi. Ushbu jamoa esa Portugaliya bo‘lishi mumkin.
Portugaliyaliklar qit’a chempionatiga saralashning hal qiluvchi bosqichida ruslar tomonidan mag‘lub etilgan edi. Endilikda Rossiya termasi joy olgan C guruhida yangi jamoa - Portugaliya paydo bo‘lishi kutilmoqda.
