Pro liga 2021 yilgi mavsumida jamoamizning eng yaxshi o‘yinchisiga aylangan Shohruxbek Abdurahmonov legioner bo‘lishga qaror qildi.
2019 yil 19 yoshida «Dinamo» jamoasi safida Superligada debyut qilgan Shohruxbek Abdurahmonov so‘nggi uch yil davomida samarqandliklar sharafini munosib himoya qilib, jamoa muxlislar yoqimtoyiga aylandi.
Xususan, so‘nggi 2021 yilda Shohruxbek Abdurahmonov o‘zining ajoyib o‘yinlari va gollari bilan «Dinamo»ni Superligaga qaytishiga ulkan hissa qo‘shdi. Yakunda esa muxlislar tomonidan «Dinamo»ning 2021 yildagi eng yaxshi futbolchisi deb topildi.
«Dinamo» PFK rahbariyati Superliga-2022 oldidan Abdurahmonov bilan shartnomani uzaytirish borasida har qancha urinishmasin, Shohruxbek o‘zini Yevropada sinab ko‘rishga qaror qildi va Belarusning «Energetik-BGU» klubi bilan shartnoma imzoladi.
