Kataloniyaning "Barselona" klubi prezidenti Joan Laportaning fikricha, "Kamp Nou" stadionida rekonstruksiya ishlari olib borilishi sababli, jamoa bir mavsumni boshqa stadionda o‘tkazadi.
"Barselona" o‘z uy o‘yinlarini katta ehtimol bilan Montjuik (Barselonaning tumani - muallif) "Olimpiya stadioni"da o‘tkazadi. Montjuikdagi stadionning bir yillik ijarasi 20 million yevroga baholanmoqda.
"Kamp Nou"ni almashtirishni bir nechta variantlarini ko‘rib chiqdi. Biz uchun eng mos stadion deb Montjuikni tanladik. Boshqa variantlarni ham o‘rganib chiqqandik, lekin ular qiyin yoki imkonsiz edi. Agar hammasi rejadagidek bo‘ladigan bo‘lsa, bu faqat bir mavsum uchun bo‘ladi", — dedi Laporta klub matbuot xizmatiga.
