«Tottenxem» vingeri Brayan Xil Ispaniyaning «Valensiya» klubida qolishi mumkin. Eslatib o‘tamiz, futbolchi ayni paytda «ko‘rshapalaklar» safida ijara asosida to‘p tepmoqda.
21 yoshli futbolchi Ispaniyaga qaytganidan so‘ng o‘ziga xos o‘yin ko‘rsatmoqda va shuning uchun «Valensiya» futbolchini jamoada saqlab qolishga harakat qilmoqda.
Ammo ijara shartnomasiga sotib olish bandi kiritilmagan va «ko‘rshapalaklar»ning moliyaviy muammolari sabab Brayanni sotib olish qiyin bo‘lishi mumkin. Daily Star nashri xabariga ko‘ra, tomonlar ijara muddatini kelasi mavsum oxirigacha uzaytirishga kelishib olishlari mumkin.
Eslatib o‘tamiz, Xil yanvar oyida «Valensiya»ga o‘tgandi. Olti oy avval «Tottenxem» uni «Sevilya»dan 25 million yevroga sotib olgan.
