«Тоттенхэм» вингери Брайан Хиль Испаниянинг «Валенсия» клубида қолиши мумкин. Эслатиб ўтамиз, футболчи айни пайтда «кўршапалаклар» сафида ижара асосида тўп тепмоқда.
21 ёшли футболчи Испанияга қайтганидан сўнг ўзига хос ўйин кўрсатмоқда ва шунинг учун «Валенсия» футболчини жамоада сақлаб қолишга ҳаракат қилмоқда.
Аммо ижара шартномасига сотиб олиш банди киритилмаган ва «кўршапалаклар»нинг молиявий муаммолари сабаб Брайанни сотиб олиш қийин бўлиши мумкин. Daily Star нашри хабарига кўра, томонлар ижара муддатини келаси мавсум охиригача узайтиришга келишиб олишлари мумкин.
Эслатиб ўтамиз, Хил январь ойида «Валенсия»га ўтганди. Олти ой аввал «Тоттенхэм» уни «Севилья»дан 25 миллион еврога сотиб олган.
