"Barselona" Gavi va Ronald Arauxo bilan yangi shartnoma imzolashda muammoga duch kelmoqda.

Mundo Deportivo xabariga ko‘ra, klub tomonlar nafaqat kelishuvlarni uzaytirishga yaqin emas, balki muzokaralar butunlay boshi berk ko‘chaga kirib qolganini tan oldi.

Shu bilan birga, 17 yoshli yarim himoyachi ham, 23 yoshli himoyachi ham boshqa jamoalar tomonidan bo‘layotgan qiziqishlarga qaramay, aynan "ko‘k-anorranglilar" tarkibida o‘ynash ustuvor ahamiyatga ega ekanligi ta’kidlangan.

Muzokaralar borishiga ta’sir qilgan omillardan biri - mavsumning ushbu qismida muhim uchrashuvlarga e’tibor qaratish zarurati bo‘lmoqda.

"Barselona" Gavi shartnomasini uzaytirish Arauxonikiga qaraganda osonroq bo‘lishini kutmoqda. Chunki, Arauxoga «Manchester Yunayted» tomonidan jiddiy bosim bo‘lmoqda.

Ikkala futbolchi ham muzokaralar natijasiga ko‘ra, klubdagi maoshlarini sezilarli darajada oshishini kutishmoqda.