Dortmundning "Borussiya" klubi vingeri Torgan Azar klubini o‘zgartirmoqchi.
Bir necha hafta oldin belgiyalik futbolchining jamoadagi o‘z rolidan norozi ekani ma’lum bo‘ldi. Sport1 xabariga ko‘ra, 28 yoshli futbolchi ketishga yaqin turibdi. U hozirda ingliz klublari bilan muzokaralar olib bormoqda, "Borussiya" esa uni yozda 20 million yevro evaziga qo‘yib yuborishga tayyor. Eslatib o‘tamiz, futbolchiga Madridning "Atletiko" klubi ham qiziqish bildirmoqda.
Torgan Azar joriy mavsumdagi barcha musobaqalarda "bamblar" safida 26 ta o‘yin o‘tkazib, 6 ta gol va 1 ta golli uzatma muallifiga aylandi. Uning dortmundliklar bilan shartnomasi 2024 yilning yoziga qadar mo‘ljallangan.
