"Flamengo" "Inter" yarim himoyachisi Arturo Vidal transferi bo‘yicha muzokaralar olib bormoqda, deya xabar beradi jurnalist Nikolo Skira.

Manbaga ko‘ra, Braziliya klubi 34 yoshli chililik futbolchiga 2 yillik shartnoma taklif qilishga tayyor.

2021/22 yilgi mavsumda Vidal “Inter” safida 32 ta o‘yinda maydonga tushib, 2 ta gol urdi va 4 ta golli uzatmani amalga oshirdi.

Futbolchining Italiya jamoasi bilan shartnomasi 2022 yilning iyun oyi oxirigacha amal qiladi.

Oldinroq Vidal "Flamengo"ga o‘tishga qiziqayotganini aytgandi.