"Atletiko" sardori Koke Chempionlar ligasi 1/8 finali javob uchrashuvi doirasidagi "Manchester Yunayted" ustidan qozonilgan g‘alaba (1:0) va madridliklar darvozaboni Yan Oblakning o‘yini haqida fikr bildirdi. Eslatib o‘tamiz, Koke "Old Trafford"da o‘yinning eng yaxshi futbolchisi deb topilgandi.

“Biz turnir davomida imkon qadar uzoqqa borishni istaymiz va muvaffaqiyatga erishganimiz kerak. Bizning jamoa hozir ko‘tarilish va pasayishni boshdan kechirmoqda. Shuning uchun joriy mavsumda Chempionlar ligasida kurashni davom ettirish muhim.

Birinchi o‘yinda biz g‘alaba qozonishga haqli edik, lekin bu yerda biz ushbu qarama-qarshilikda raqibga qaraganda yaxshiroq ekanligimizni isbotlash uchun kurashdik. 

Menimcha, Oblak dunyoning eng yaxshi darvozaboni. Bugun u buni yana bir bor isbotladi", - deya Kokening so‘zlaridan iqtibos keltiradi UEFA matbuot xizmati.

Ma’lumot o‘rnida, birinchi o‘yin durang (1:1) bilan yakunlangan. Shu tariqa, “Atletiko” Chempionlar ligasining chorak finaliga yo‘l oldi.