"Атлетико" сардори Коке Чемпионлар лигаси 1/8 финали жавоб учрашуви доирасидаги "Манчестер Юнайтед" устидан қозонилган ғалаба (1:0) ва мадридликлар дарвозабони Ян Облакнинг ўйини ҳақида фикр билдирди. Эслатиб ўтамиз, Коке "Олд Траффорд"да ўйиннинг энг яхши футболчиси деб топилганди.
“Биз турнир давомида имкон қадар узоққа боришни истаймиз ва муваффақиятга эришганимиз керак. Бизнинг жамоа ҳозир кўтарилиш ва пасайишни бошдан кечирмоқда. Шунинг учун жорий мавсумда Чемпионлар лигасида курашни давом эттириш муҳим.
Биринчи ўйинда биз ғалаба қозонишга ҳақли эдик, лекин бу ерда биз ушбу қарама-қаршиликда рақибга қараганда яхшироқ эканлигимизни исботлаш учун курашдик.
Менимча, Облак дунёнинг энг яхши дарвозабони. Бугун у буни яна бир бор исботлади", - дея Кокенинг сўзларидан иқтибос келтиради УEФА матбуот хизмати.
Маълумот ўрнида, биринчи ўйин дуранг (1:1) билан якунланган. Шу тариқа, “Атлетико” Чемпионлар лигасининг чорак финалига йўл олди.
