"Tottenxem" hujumchisi Xarri Keyn Angliya Premyer-ligasi doirasidagi safar o‘yinlaridagi gollari soni bo‘yicha Ueyn Runidan o‘zib ketdi, deb xabar berdi Opta&Joe.

Angliyalik futbolchi APLning 16-turidan o‘rin olgan “Brayton”ga qarshi qoldirilgan o‘yinida gol urdi. Keyn Angliya chempionatida safarda 139 ta o‘yin o‘tkazib, 95 ta gol urgan. Xarri Premyer-liga tarixidagi mehmonda eng ko‘p gol urgan futbolchiga aylandi.

Hujumchi 243 ta safar uchrashuvida 94 ta gol urgan UYEyn Runining natijasidan o‘zib ketdi.

Uchrashuvda "Tottenxem" 2:0 hisobida g‘alaba qozondi. Shuningdek, mezbonlar darvozasiga Kristian Romero tomonidan ham gol kiritildi.

Keyn joriy mavsumda “shporlar” safida barcha turnirlarda 40 ta o‘yin o‘tkazib, 22 ta gol urdi va 4 ta golli uzatmani amalga oshirdi.