Xabaringiz bor, 25-29 mart kunlari Namangandagi «Markaziy» stadioni “Navruz Cup-2022” xalqaro o‘rtoqlik turniringa mezbonlik qiladi. Ushbu musobaqada O‘zbekiston milliy terma jamoasidan tashqari Uganda, Tojikiston va Qirg‘iz Respublikasi jamoalari ishtirok etadi.

Jamoamiz bosh murabbiyi Srechko Katanes tomonidan mazkur musobaqada ishtirok etish uchun chaqirilgan futbolchilar ro‘yxati e’lon qilindi. Kengaytirilgan ro‘yxatga 25 nafar futbolchi kiritildi. Hujum chizig‘i esa to‘laligacha legionerlardan tashkil topdi.

Terma jamoa a’zolari 21 mart kuni Toshkentda yig‘ilib, tibbiy ko‘rikdan o‘tishadi. 23 mart kuni Namangan shahriga yo‘l olishi rejalashtirilgan.

Darvozabonlar: Valijon Rahimov (“OKMK”), O‘tkir Yusupov (“Navbahor”), Umidjon Ergashev ("Nasaf");

Himoyachilar: Farrux Sayfiyev (“Paxtakor”), Umarbek Eshmurodov ("Nasaf"), Hojiakbar Alijonov (“Paxtakor”), Dilshod Saitov (“Nasaf”), Akrom Komilov (AGMK), Sherzod Nasrullayev ("Nasaf"), Islomjon Qobilov (“Lokomotiv”), Husniddin Aliqulov (“Nasaf”), Abdulla Abdullayev (AGMK);

Yarim himoyachilar: Odiljon Hamrobekov (“Paxtakor”), Aziz Turg‘unboyev ("Paxtakor"), Otabek Shukurov (“Sharja”, BAA), Hojimat Erkinov ("Paxtakor"), Oybek Bozorov (“Nasaf”), Dostonbek Hamdamov (“As-Sayliya”, Qatar), Jaloliddin Masharipov (“An-Nassr”, Saudiya Arabistoni), Javohir Siddiqov ("Qo‘qon-1912"), Sardor Sobirxo‘jayev ("Paxtakor");

Hujumchilar: Eldor Shomurodov (“Roma”, Italiya), Igor Sergeev (“Tobol”, Qozog‘iston), Sherzod Temirov (“Persepolis”, Eron), Azizbek Amonov ("Istiqlol", Eron).