Хабарингиз бор, 25-29 март кунлари Намангандаги «Марказий» стадиони “Navruz Cup-2022” халқаро ўртоқлик турниринга мезбонлик қилади. Ушбу мусобақада Ўзбекистон миллий терма жамоасидан ташқари Уганда, Тожикистон ва Қирғиз Республикаси жамоалари иштирок этади.

Жамоамиз бош мураббийи Сречко Катанец томонидан мазкур мусобақада иштирок этиш учун чақирилган футболчилар рўйхати эълон қилинди. Кенгайтирилган рўйхатга 25 нафар футболчи киритилди. Ҳужум чизиғи эса тўлалигача легионерлардан ташкил топди.

Терма жамоа аъзолари 21 март куни Тошкентда йиғилиб, тиббий кўрикдан ўтишади. 23 март куни Наманган шаҳрига йўл олиши режалаштирилган.

Дарвозабонлар: Валижон Раҳимов (“ОКМК”), Ўткир Юсупов (“Навбаҳор”), Умиджон Эргашев ("Насаф");

Ҳимоячилар: Фаррух Сайфиев (“Пахтакор”), Умарбек Эшмуродов ("Насаф"), Ҳожиакбар Алижонов (“Пахтакор”), Дилшод Саитов (“Насаф”), Акром Комилов (АГМК), Шерзод Насруллаев ("Насаф"), Исломжон Қобилов (“Локомотив”), Ҳусниддин Алиқулов (“Насаф”), Абдулла Абдуллаев (АГМК);

Ярим ҳимоячилар: Одилжон Ҳамробеков (“Пахтакор”), Азиз Турғунбоев ("Пахтакор"), Отабек Шукуров (“Шаржа”, БАА), Ҳожимат Эркинов ("Пахтакор"), Ойбек Бозоров (“Насаф”), Достонбек Ҳамдамов (“Ас-Сайлия”, Қатар), Жалолиддин Машарипов (“Ан-Насср”, Саудия Арабистони), Жавоҳир Сиддиқов ("Қўқон-1912"), Сардор Собирхўжаев ("Пахтакор");

Ҳужумчилар: Элдор Шомуродов (“Рома”, Италия), Игор Сергеев (“Тобол”, Қозоғистон), Шерзод Темиров (“Персеполис”, Эрон), Азизбек Амонов ("Истиқлол", Эрон).