Pro liganing 3-turi doirasida bo‘lib o‘tgan "Yangiyer" - "Mash’al" (0:1) uchrashuvidan so‘ng mezbonlar bosh murabbiyi Bekzod Qodirqulov fikrlarini bildirdi.
"O‘yin qiyin o‘tishi ma’lum edi. "Mash’al" Superligadan tushgan jamoa. O‘tgan yilgi tarkibini saqlab qolgan holda 3-4 nafar futbolchini jalb qilgan. Bizda oxirgi nuqtani qo‘yadigan futbolchi yetishmadi.
Raqib safidagi himoyachilarni yaxshi bilar edik. Ularning hujumchilari bizga himoyachilarimizga bosim qilgach ikkinchi qavatda o‘ynashga urinishdi. O‘yin oxiriga kelib pas o‘ynashni boshladik.
Kubokda har bir raqibni hurmat qilgan holda maydonga chiqamiz. "So‘g‘diyona" bilan o‘yin jamoamiz uchun motivasiya hisoblanadi. Ular OFK kubogida qatnashadi. Futbolchilarni yaxshi tayyorlashga harakat qilamiz",- deydi Bekzod Qodirqulov.
