«Liverpul»ning sobiq futbolchisi Robbi Fauler «Manchester Yunayted» rahbariyati Diyego Simeonega murojaat qilmasligi kerak deb hisoblaydi.
Avvalroq «Atletiko Madrid»ning amaldagi bosh murabbiyi nomzodini «Yunayted»ga o‘tmishdagi taniqli futbolchilar - Gari Nevill va Roy Kin ma’qullagan edi.
«Nevilning Simeoneni «Yunayted»ga taklif qilish zarurligi haqidagi gapini eshitib, kulib yubordim.
Haqiqatanmi? Men uni yomon demayapman, lekin uning jamoasining ba’zi nojo‘ya xatti-harakatlari, himoyaviy taktikasi shunchaki jirkanch.
Bu «Manchester Yunayted»ga to‘g‘ri kelmaydi. Mahalliy muxlislar Simeone natija bergan taqdirda ham bunga chiday olmaydi», — deb yozdi sobiq hujumchi.
Eslatib o‘tamiz, Diyego Simeone va uning «Atletiko»si yaqinda «Manchester Yunayted»ni Chempionlar ligasidan chiqarib yuborgan edi.
