«Liverpul» va «Manchester Siti» muxlislari «Uembli»dagi Angliya kubogi yarim final uchrashuvini boshqa muddatga ko‘chirishni talab qilishdi.
Bu jamoalar o‘rtasidagi o‘yin 16 aprel, shanba kuni bo‘lib o‘tishi kerak. Biroq Pasxa bayramida Manchester va Mersisayddan Londonga poyezdlar bo‘lmaydi.
O‘yinga borish uchun muxlislar avtomobil yoki samolyotda uchishlari kerak bo‘ladi. Buyuk Britaniya manbalarining ta’kidlashicha, sentyabr oyida mamlakat futbol assosiasiyasi ushbu sanalarda g‘arbiy sohilda poyezdlar jadvalida qiyinchiliklar bo‘lishini ma’lum qilgan.
