Dortmundning "Borussiya" klubi yarim himoyachi Mahmud Daud bilan shartnomani uzaytirmoqchi, deya xabar beradi Sport1.

Yarim himoyachi Aksel Vitsel yozda klubni tark etishi ma’lum bo‘lgach, "Borussiya" Daudga yangi shartnoma taklif qilishga qaror qildi.

Joriy mavsumda futbolchi Bundesligada 20 ta o‘yinda maydonga tushib, 2 ta gol urdi va 3 ta golli uzatmani amalga oshirdi. U bilan amaldagi shartnoma muddati 2023 yilda tugaydi.

Avvalroq, futbolchiga "Nyukasl" qiziqish bildirayotgani xabar qilingandi. Transfermarkt xabariga ko‘ra, futbolchining narxi 18 million yevroni tashkil qiladi.