"Real Sosyedad" sharafini himoya qilayotgan Adnan Yanuzay yozda jamoasini o‘zgartirishi mumkin. Bu haqda Mundo Deportivo nashri xabar berdi.
Manbaning ma’lumotiga ko‘ra, belgiyalik futbolchining agenti Mino Rayola o‘z mijozining xizmatlarini "rossonerilar"ga taklif qilgan. Hozircha "Milan" rahbariyati bu taklifga javob qaytargani yo‘q.
Ma’lumot uchun, 27 yoshli futbolchining "Sosyedad" bilan amaldagi shartnomasi joriy mavsum yakunida nixoyasiga yetadi. Transfermarkt portali uni 12 million yevroga baholagan.
