Pro liga 4-turidan o‘rin olgan uchrashuvda “Sho‘rtan”, Yangiyerning “Yangiyer - quruvchi” jamoasini o‘z maydonida qabul qiladi.
O‘yin 2022 yilning 27 mart kuni G‘uzordagi “Markaziy” stadionda soat 16:00 da boshlanadi.
Asror Aliqulov shogirdlari ketma-ket o‘tgan 3-turda ikkita mag‘lubiyat va bitta durang natijasini qayd etdi. Shuning uchun “Oq bo‘rilar”ning ashaddiy muxlislari ushbu uchrashuvda faqat va faqat g‘alaba kutmoqda. Jamoa uchun ochko suv va havodek zarur.
Ayni paytda, Bekzod Qodirqulov boshchilik qilayotgan “Yangiyer-quruvchi” jamoasi o‘tgan mavsumda “Sho‘rtan” ga qarshi o‘yinlarda qo‘yidagi natijalarni qayd etgan.
07.05.2021. “Sho‘rtan” 0 : 0 “Yangiyer”
11.08.2021. “Yangiyer” 0 : 1 “Sho‘rtan”
05.10.2021. “Yangiyer” 1 : 2 “Sho‘rtan”
26.10.2021. “Sho‘rtan” 2 : 1 “Yangiyer”
Shundan kelib chiqib, bo‘lajak uchrashuv qiziqarli, keskin va teng qurashlar ostida o‘tishiga aminmiz.
Jamoalar maydonda quyidagi rangli libosda harakat qiladi:
“Sho‘rtan” - oq-qora. “Yangiyer-quruvchi”- yashil.
“SHO‘RTAN” – “YANGIYER-QURUVCHI” UCHRASHUVDA QUYIDAGI RASMIYLAR FAOLIYAT OLIB BORADI.
Bosh hakam: Farruh Yansupov (Toshkent).
Yordamchi hakamlar: Nikita Afinogenov (Toshkent) va Rustam Tagayev (Toshkent).
Nazoratchi: Rustam Bobomurodov (Navoiy).
Komissar: Qudrat Madraimov (Toshkent).
Zaxira hakami: Farxod Usmanov (Qarshi).
