Pro-liganing 4-turidan o‘rin olgan "Turon" - "G‘ijduvon" (1:0) uchrashuvidan so‘ng "Turon" bosh murabbiyi bilan birgalikda jamoa hujumchisi Xumoyun Murtozayev ham matbuot anjumanida ishtirok etdi.
Bugungi o‘yin haqida
- Uchrashuvga qattiq tayyorgarlik ko‘rgandik, o‘yin qiyin bo‘lishini bilgandik. Allohga shukr, bugun g‘alabaga erishdik. Biz muxlislar uchun o‘ynaymiz, bizni stadionga kelib qo‘llab-quvvatlab turgan futbol ishqibozlariga rahmat aytamiz. Bugungi g‘alabani jamoamiz muxlislariga bag‘ishlaymiz.
- Avvalgi matbuot anjumanlarida jamoadoshingiz Sardor Abduraimov Pro-liga to‘purari bo‘lish maqsadi haqida gapirgandi. U bilan raqobatga tayyormisiz?
- Jamoada kim gol urishidan qat’iy nazar barchamiz birdek xursand bo‘lamiz. Muhimi gollar jamoa g‘alabasiga xizmat qilsa bo‘ldi. Sardor to‘purar bo‘lishni maqsad qilgan bo‘lsa, albatta boshqa jamoadoshlarim kabi men ham yordam beraman.
