O‘zbekiston milliy jamoasi bosh murabbiyi Srechko Katanes Ugandaga qarshi bo‘lib o‘tgan o‘yin (4:2) borasida o‘z fikrini bildirib o‘tdi.

— Fikrimcha, biz yaxshi o‘yin o‘tkazdik va 4ta gol urdik. O‘yin muxlislarga yoqdi, deb o‘ylayman. Muxlislar 6ta gol ko‘rishdi. Birinchi bo‘limda juda yaxshi namoyish etdik. Uganda terma jamoasi oddiy jamoa emas. Tanaffus paytida men shogirdlarimga yanada yaxshi o‘ynashimiz kerakligini aytgandim. Ammo o‘yin oxirida jismoniy jihatdan charchab qoldik. Bu biz uchun yaxshi o‘rtoqlik o‘yini bo‘ldi.

— Ayni paytda terma jamoamizning eng kuchsiz chizig‘i himoya ekani ko‘rinib qoldi.
— Bu fikrga to‘liq qo‘shilmayman. Himoya chizig‘imiz joyida. Ha, gol o‘tkazdik. Ammo bu golni himoya tufayli emas, boshqa sabablar tufayli o‘tkazib yubordik. Raqibning ikkinchi goli chiroyli bo‘ldi. Men bunda yomon narsa ko‘rmayapman.

— Uganda Qirg‘izistonga nisbatan kuchliroq bo‘lsada, shogirdlaringiz bugun yaxshiroq o‘yin namoyish etdi.
— Qirg‘izistonga qarshi ham yaxshi o‘ynagandik. O‘sha o‘yinda birinchi taymda gol ura olmasdan, ikkinchi bo‘limda g‘alabani o‘z tomonimizga og‘dirgandik. Bugun esa birinchi bo‘limda yaxshiroq o‘ynadik.

Qirg‘iziston esa birinchi gol urgani sababli himoyaga yotib oldi. Avvallari kuchsiz jamoalar ham himoyaga yotib olmasdan oldinga o‘tardi. Ammo hozirda ba’zi jamoalar "avtobus" taktikasidan foydalanishdan uyalishmayapti.

Men raqib jamoalarni taqqoslashni istamasdim. Faqat o‘z jamoam haqidagi gapirishim mumkin. Safimizda yaxshi futbolchilar bor. Umid qilaman, ular rasmiy o‘yinlar paytida jarohat olishmaydi.