Madridning «Real» klubi darvozaboni Tibo Kurtua «Chelsi»ga qarshi Chempionlar ligasi doirasida bo‘lib o‘tadigan dastlabki uchrashuv haqidagi fikrlari bilan o‘rtoqlashdi. Darvozabon «Stemford Brij»ga qaytishni intiqlik bilan kutayotganini aytdi.
«Bu alohida narsa bo‘ladi. O‘tgan yili biz yarim finalda mag‘lub bo‘lgan edik, umid qilamanki, bu yil g‘alaba bo‘ladi», - dedi u Mundo Deportivo nashriga bergan intervyusida.
Uning qo‘shimcha qilishicha, «Chelsi» har doim u uchun alohida klub bo‘lib qoladi.
“Men uchun «Chelsi» o‘zgacha jamoa, ular menga bugungidek darvozabon bo‘lishimga yordam berishdi. Ular meni 18 yoshimda sotib olishdi va menga «Atletiko»da bo‘lish, Premyer-ligada o‘ynash va g‘alaba qozonish imkoniyatini berishdi”, — dedi Kurtua.
