Мадриднинг «Реал» клуби дарвозабони Тибо Куртуа «Челси»га қарши Чемпионлар лигаси доирасида бўлиб ўтадиган дастлабки учрашув ҳақидаги фикрлари билан ўртоқлашди. Дарвозабон «Стэмфорд Бриж»га қайтишни интиқлик билан кутаётганини айтди.
«Бу алоҳида нарса бўлади. Ўтган йили биз ярим финалда мағлуб бўлган эдик, умид қиламанки, бу йил ғалаба бўлади», - деди у Mundo Deportivo нашрига берган интервьюсида.
Унинг қўшимча қилишича, «Челси» ҳар доим у учун алоҳида клуб бўлиб қолади.
“Мен учун «Челси» ўзгача жамоа, улар менга бугунгидек дарвозабон бўлишимга ёрдам беришди. Улар мени 18 ёшимда сотиб олишди ва менга «Атлетико»да бўлиш, Премьер-лигада ўйнаш ва ғалаба қозониш имкониятини беришди”, — деди Куртуа.
