«Chelsi» bosh murabbiyi Tomas Tuxel «ko‘klar» himoyachisi Antonio Ryudiger haqida o‘z fikrlarini bildirdi.
Eslatib o‘tamiz, Antonioni Yevropaning boshqa bir qator top-klublari o‘z safiga chorlashmoqda. Uning «Chelsi» bilan shartnomasi shu yil yakuniga yetadi.
«Menimcha, «Chelsi»da Ryudigerni saqlab qolish imkoniyati bor. Bu imkoniyatlar ancha yuqori.
Afsuski, hozir qo‘llarimiz bog‘langan. Butun muammo bu sanksiyalarda. Biz hech qanday taklif bilan chiqa olmaymiz, normal muzokaralar olib bora olmaymiz, hamkorlikning yangi shartlarini muhokama qila olmaymiz. Ammo ishonchim komilki, bu voqea hali tugamagan”, — dedi Tuxel.
