Milanning «Inter» klubi «Yuventus»ni mag‘lub etganidan so‘ng (1:0), «neradzurrilar» bosh murabbiyi klub bilan shartnomani uzaytirishdan bosh tortganini ma’lum qildi. Mutaxassisning qayd etishicha, hozirda shartnomani uzaytirish masalasi ustuvor masala emas.

«Mening ikki yillik shartnomam hali ham amalda. «Inter» menga shartnomani uzaytirishni taklif qildi, ammo men mavsum oxirigacha kutmoqchiman. Endi shartnoma masalasi unchalik muhim emas.

7 oylik faoliyatim davomida «Inter» «Jenoa», «Torino» va «Fiorentina»ga qarshi o‘yinlarda ochko yo‘qotdi, ammo men hali ham futbolchilar va klubning qo‘llab-quvvatlashini his qilyapman», — deya Indzagining so‘zlarini keltiradi DAZN.

Simone Indzagi 2021 yilning yozida «Inter»ni boshqaradi. A seriyadagi 30 uchrashuvdan so‘ng klub 63 ochko bilan peshqadam «Milan»dan 3 ochko ortda qolgan holda uchinchi o‘rinda bormoqda.