«Roma» hujumchisi Temmi Abraxam Joze Mourinyo qo‘l ostida ishlagani haqida gapirdi.
«Roma»ga o‘tishimning sabablaridan biri Mourinyo edi. Men yosh ingliz yigiti sifatida Angliyada qolishni xohlardim. «Roma», «Atalanta» va boshqa jamoalar menga qiziqish bildirishdi, lekin men o‘zimga APLda qolishni xohlayotganimni, nimanidir isbotlashim kerakligini aytdim.
Ammo ota-onam va agentim menga: “Siz «Chelsi», «Suonsi», «Bristol» klublarida gol urdingiz, o‘zingizni boshqa mamlakatda sinab ko‘ring, u yerda yashash qanday ekanligini his eting” - deyishdi. O‘sha paytda men ko‘pchilik Italiyaga borib, «Roma»da o‘ynaganliklari bilan maqtanishlarini tushuna boshladim.
Mourinyoning kimligini hammamiz bilamiz. Men uni negadir dunyoning eng yaxshi murabbiyi deyman. U sizni qanday rag‘batlantirishni, qalbingizga qanday kirishni, ba’zan sizni o‘zgacha his qildirishni biladi.
Men u uchun qo‘limdan kelganini qilmoqchiman va u meni qo‘limdan kelganini qilishga undaydi. Men yetarlicha ish qilganimni his qilsam, u menga ko‘proq qilishimni aytadi.
«Chelsi»dagi og‘ir mavsumdan so‘ng, kam o‘yin amaliyotiga ega bo‘lganimda menga aynan shunday motivasiya kerak edi. Bu yerga kelib, sizga ishonadigan murabbiy bilan ishlash ishonch bag‘ishlaydi”, - dedi Abraxam.
