«Liverpul» bosh murabbiyi Yurgen Klopp APLdagi chempionlik poygasi haqida fikr bildirdi.
Ayni damda APL turnir jadvalida «Manchester Siti» 73 ochko bilan peshqadamlik qilmoqda, 72 ochko to‘plagan «Liverpul» ikkinchi o‘rindan joy olgan.
«Agar biz uchun oson bo‘lmagan raqib «Manchester Siti»ni mag‘lub etsak, hammasi hal bo‘ldi va biz chempion bo‘lamiz, deb hech kim o‘ylamaydi.
Biz dunyoning eng yaxshi jamoasi bilan to‘qnash kelamiz, ammo baribir oxirigacha kurashamiz. O‘tgan bir necha oy davomida biz mustahkam poydevor qo‘ydik.
Biz Chempionlar ligasining chorak finalida, Angliya kubogining yarim finalidamiz va qanchalik uzoqqa borsangiz, shunchalik qiyin bo‘ladi», - deya Kloppning so‘zlarini keltiradi Sky Sports.